تعتبر الدارجة أو اللهجة العامية التونسية من أقدم اللهجات و أكثرها ثراء وذلك لكونها مبنية على اللكنة المحلية الأمازيغية، وتتكون جل مفرداتها من العربية كما إمتصت مصطلحات  من الفرنسية والإيطالية ولغات أخرى قديمة وحديثة كالتركية والأندلسية. من خلال هذه القصة، سنتعرف على عدة مفردات باللهجة التونسية وكيفية استعمالها ونطقها عند “التوانسة”، كما سنتعرف على عبارة نستعملها كثيرا، دون أن نعرف مصدرها أو معناها وهي “طبيب الصقلي”. قراءة ممتعة.

البارح ليلة موسم روّحت من الخدمة لدارنا نزرب شاهي تقييلة،نلقى الوالدة في السقيفةتضرب في الدانصة“.. تستنًّى .. وليستة متاع قضية في يدّها محضّرتهالي باش نشريها من المرشي، حقَّى حقّى باش نحضّرو شقّان الفطر في الدار، ونهّزوه نتعشّاو بحذا ممّاتك وعزيزك، ونتلمّو بحذاهمعلى خاطر الليلة ليلة موسمذكرى غزوة بدر“….

أيّ ما نطّوّلوها بهدرة،.. القضية تقضات من الكَبّار لكعك العنبروالماكلة حضرت قبل بنصيّف ساعة من المغربسفساريك ودار عزيزك“…الكراهب مرصّفة قدّام الدار..والغشاشر تِتغالىنساء ورجال وبنتّة وعزّاب والكلّهم  أولاد وبنات اخْوالي وخَالاتي  معناها اولاد مِماتي واحفادها حتّى للصُوصُول 1  الحاصِيلوعدّ تغلطمن عيشوشة.. ليارا ونرمين ومن الجيلاني لفهد وأسامة……”ألف عفريت وزفريط حتّى من نقّاز الحيط“…يسلّم قرايتو عزيزي في ه”البَاطيُون 2″ ….

دخّلنا الماكلة ودخلنا …وكيما يقولو “الضيافة على الوارد”….يزي ما وكّلو وشرّبو ولبّسو وقرّاو…هوما قبل……نلقى عزيزي قاعد في “الدريبة لوّلانيّة” على الدكّانة” وبلوزتو يدّ بيدّ وهو الدجاج لكحل داير بيه كشاكشوخارجة ويتّكرم وحدو…سلّم على أمي “بالمساسك” …وانا جبدني من يديّ على جنب…

وقالّي : من اللخّر توّى ما تشوفليش وحيّدة نصف عمرآيسةولاّ هجّالة وما عندهاش صغار، تحبّ تستحسن وتلمّ على رويحتها، من اللي يخدمو معاك ولاّ من معارفكمتاع النهار موش متاع الليلوجبدلي وذني.

قتلو : اش معناهاآيسةعزيزي؟ معناها من آسيا بحذا افريقيا؟ قالي: يزي من الدكّ والضمار متاعك، معناها فايتها الترينو كيما تقولو توىّ….. وبابورها مزفّر، بالعربيفياي فيّ 3” .

مشى في بالي لعمعزّوزاللي لاهي بالسانِيةمرتوترشّحت للفينالعندها عامين وقعد وحدو يسخّفقتلو: لعمّعزّوزفمّا كعيبة ما هبّتش عليها النسمة.

قالّي: وانا جيتك على عينك العورة…..ويجبدلي وريقة خضرةوذن بقرةبوخمسين دينارودكّهالي في جيبي….آآآآآآ اللعب حراش توّى.

قتلو: عرفي ولاّ “بروميار كلاس 4″ ……قالي : ماخذة رسميّة يا جحش…. قتلو راهو القانون في تونس تبدّل ومايسمَحلِكش بتعدد الزوجات. قالي: لالا يا اش باش يقول فمّيكلّ شيء في إطار القانون.راني بورقيبي وما ندخلشي هالمداخل متاع جيب زوز تحت الحيط واقرا فاتحة كيفما هاك الجْمَيّعة.

قتلو : ومِماتي شبيها؟آش ناقصها؟

قالي : قول آش مازال فيها….أي سيدييكون في عِلْمكمِماتك..ولاّت تلعب على ورقة….الوجهرطل كرشة أمّ الأوراق“…الفمّ “ديمونتابل 5“…تمشي على ثلاثة….أيّ آكاهوّ ..قيس وحدك ماك فهيم….واكثر من هذا..ولاّت الليل الكل وهي تخَضْرِتوما تحلم كان بالموتى اللي مخرّجينها معاهم تدولش في جنينة خضرة لكلّها نوّارأمها وبوها وجدودها ..وبورقيبة يخطب عليهمحتى منكسيلة البربري“… هاززهم لبسْكرة  ويطلب في السماح منعقبة ابن نافعوهي عَاملة معاهم جبهيّة…. والحمدوالله اللي وحدها وانا حتى مرة ماني معاها…. وآهيكة اليوم باش تعمل بيكم اجتماع وتخطبلكم خطبة الوداع ويظهرلي باش تقسّم على امّاتكم تركة بوها.

قتلو: بالك مسكينة سترِيساي..معناها على اعصابها….قالي بربي باش باش تسترسي؟باش تشارك في برنامجالسكارا قادمينهاك اللي يغنيو فيه؟….(.ههه يقصدستار أكاديمي“)…ما ضرّها كان برنامج عذاب القبر اللي تسمع فيه كل يوم.

قتلو : هاو عندي صاحبي طبيب باهي في كلينيك توىّ نهزها يعمللها سكانار ولا بيلون ونشوفوها..

قالي: خرّف ….يالبِحرَامْ لاعاد يفيد فيها لابولونات ولا كروّات“… يا بالله لوكان يقوملهاالطبيب الصقليّاللي يقولولويا طبيب الصقلّي داويني بكُلّي“… لاما يحير في العجب….زايد.

قتلو: باهي اتهنّى عزيزي كلمة رجالاتوّى نفركس على وحيدة خاضعة للمواصفات ونخلّيّوها تحت الرّدّة….أما بربي شكون هالطبيب الصقلّي.ههههه.

قالّي: تضحك وتتفيسخ؟ يرّاهم سبحة سنيّك ما ارمزك….

من الآخر، عزيزي فسرلي شنوا معناها طبيب الصقلي وفسرلي زادا منين جات الكلمة.

هاني حكيت الحكاية لسيرين متع مجلة الوطن، آي أذيكا سيرين الي تعمل حكايات العروي،  هيا تفرجوا في الفيديو أتو تفهموا.

 

تنويـــــه: الطبيب الصقلي هو الطبيب التونسيمحمد بن عثمان الصِقلياللي توفي  القرن التاسع هجري ٫بالحاضرة التونسية وشاع صِيته واشتهر ببراعته في المجال الطبي آنذاك وأصبح مضربا للأمثال….وكما يبدو واضحا أن لقبالصِقلّينسبة إلى موطنه الأصلي أو موطن آبائه جزيرة صِقلية الإيطالية حاليّا واللقب منتشر بمختلف جهات الجُمهورية بين الصقلّي بتشديد الصاد واللامو كذلك تنطقالصقْلٍي  بتشديد الصاد وتخفيف اللام ..او حتى يرد الاسم بالكاف عوض القافالصِكِلي

تقديم : سيرين الهواري

شكر خاص للدكتور محمد البسكري الباحث في اللسانيات، الذي كتب النص وساعدنا في جمع المعلومات

 

 

 

 

1-Sous-sol

2- Bataillon

3- Vielle fille

4- Première classe

5-Démontable

 

 

 

 

تعليقات